उत्तर प्रदेशके मुख्यमंत्री योगी आदित्यनाथजीक पिता आनंद सिंह बिष्टक सोमदिन दिल्लीक एम्समे निधन भ’ गेलनि। ओ 89 साल के छलाह। मुख्यमंत्रीके कोविड-19 पर चलि रहल टीम-11 के मीटिंगके समय पिताक दुखद मृत्युक सूचना देल गेलनि, मुदा मीटिंग रुकल नहि आओर चलैत रहल बादमे मुख्यमंत्री एकटा भावुक कय दिय बला चिट्ठी लिखलनि, जाहिमे ओ बतओलनि की ओ अपन पिताक अंतिम संस्कारमे शामिल नहि हेताह। मुख्यमंत्री एकर कारण सेहो बतओलनि। मुख्यमंत्री कहलथि की लॉकडाउन हटलाके के बादे ओ घर जा सकैत छथि। चिट्ठिमे मुख्यमंत्री योगी आदित्यनाथ कहलथि की वैश्विक महामारी कोरोना वायरसके खिलाफ जारी लड़ाईके कारण हम अंतिम संस्कारक कार्यक्रममे शामिल नहि भ’ सकब।