नई दिल्ली। फोर्ड मोटर भारत मे इलेक्ट्रिक वाहन बनेबाक योजना कए रद्द कय देलक अछि। मानल जा रहल अछि जे कंपनी देशमे अपन उत्पादन संयंत्र बेचैत रहत। रायटर केर एगो रिपोर्टक अनुसार फोर्ड गुजरात स्थित उत्पादन संयंत्रके बेचय लेल टाटा मोटर्स सँ बातचीत कय रहल छेल। फोर्ड अपन चेन्नई प्लांटक लेल सेहो नव खरीदारके ताकि रहल अछि।
एहि सालक शुरुआतमे कंपनी कहलक छल जे ओ भारत सँ निर्यात लेल आ घरेलू बाजार मे बिक्री लेल इलेक्ट्रिक वाहनक उत्पादन पर नजरि दौड़ा रहल अछि। फोर्डके भारत सरकारक प्रोडक्शन लिंक्ड इंसेंटिव स्कीम (पीएलआई) के तहतसही चुनलऽ गेलऽ छेलै । एहि लेल मानल जा रहल अछि जे कंपनी एक बेर फेर भारत आपस आबि सकैत अछि।
नुकसान के कारण उत्पादन बंद भ गेल
पिछला साल फोर्ड कहने छल जे ओ भारत मे स्थानीय स्तर पर उत्पादन बंद क देत आ निर्यात लेल देश मे केवल पैघ मॉडल छोड़ल जाएत। 10 साल मे ब्रांड कए 2 अरब डॉलर स बेसी क नुकसान भेला क बाद इ कदम क घोषणा कैल गेल। एकर अलावा 2019 मे गुजरात आ चेन्नई मे स्थित दूटा उत्पादन संयंत्र कए बंद करबाक फैसला लेल गेल छल।
भारत मे फोर्ड मोटरक प्रचलन 1920 क दशक मे शुरू भेल छल। ई 1950 के दशकके शुरुआतमे बाहर निकलय सँ पहिले कनाडाके फोर्ड मोटर कंपनीके सहायक कंपनीके रूपमे देशमे प्रवेश कयने छल ।1995 मे फोर्ड भारतीय ऑटो निर्माता कंपनी महिंद्रा एंड महिंद्रा के सहयोग सँ भारत वापस आबि गेलै । फोर्ड आ महिंद्रा 1998 मे एहि साझेदारी कए तोड़ि देलक। एकर बाद फोर्ड 1998 मे फोर्ड मोटर इंडिया लिमिटेड बनि गेल।
फोर्ड भारत मे जे आखिरी मॉडल लॉन्च केलक ओ अछि फ्रीस्टाइल । फोर्ड एकरा लाइफस्टाइल एडवेंचर वाहन के रूप में लॉन्च केलक। एकरा फिगो हैचबैक आ इकोस्पोर्ट एसयूवी क बीच राखल गेल छल । फोर्ड एखन भारत मे एन्डेवर, इकोस्पोर्ट, फिगो, फिगो एस्पायर आ फ्रीस्टाइल मॉडल बेचैत अछि ।
