बिहारक राजधानी पटना सं बड़का खबैर आबि रहल अछि जे सीएम आवास मे सेहो कोरोना दस्तक द’ देने अछि। मुख्यमंत्री नीतीश कुमार कें भतीजी सेहो कोरोना संक्रमित पायल गेल अछि। पटना एम्स मे हुनकर इलाज चैल रहल छनि। अहिसँ पहिने जदयू कें एमएलसी गुलाम गौस आ हुनक पत्नी कोरोना संक्रमित पाओल गेल छल। गुलाम गौस आ हुनक पत्नी कें सैंपल लेल गेल छल, जाकर रिपोर्ट पॉजिटिव आयल अछि।

कही दी जे दू दिन पहिने मुख्यमंत्री नीतीश कुमार जांच मे कोरोना मुक्त पायल गेल छला। मुख्यमंत्री स्वयं आ अपन नजदीक रहय वला पदाधिकारि केर कोरोना संक्रमणक जांच कराओल गेल छल। विधान परिषद कें कार्यकारी सभापति अवधेश नारायण सिंह कोरोना पॉजिटिव मिलला। पिछला एक कार्यक्रम मे मुख्यमंत्री कें संग अवधेश नारायण सिंह सेहो शामिल भेल छला। अहि कारण मुख्यमंत्री अपन जांच करओलनि, जाहिमे रिपोर्ट निगेटिव आयल अछि। स्वास्थ्य विभाग कें आधिकारिक सूत्र रैबदिन क’ एकर पुष्टि केलाक। संगे मुख्यमंत्री आवास मे लेल गेल सभ’ 16 सैम्पल केर जांच रिपोर्ट निगेटिव आयल छल।

विधान परिषद मे आयोजित कार्यक्रम मे विधानसभा अध्यक्ष विजय कुमार चौधरी आ उप मुख्यमंत्री सुशील कुमार मोदी समेत बहुत राजनेता शामिल भेल छला। सूत्र कें अनुसार एकर आधार पर विप सभापति अवधेश नारायण सिंह कें निकट संपर्क मे आबय वला व्यक्ति केर कोरोना जांच कें लेल सैम्पल लेल गेल छल। अखन धरि मिलल रिपोर्ट कें अनुसार जांच मे श्री चौधरी आ मोदी सेहो संक्रमित नै छथि। अहि सभ’ केर जांच रिपोर्ट निगेटिव आयल अछि। डाक्टर केर टीम कुल 80 सैम्पल क’ एकत्र कयल गेल अछि।