बॉलीवुड केर मशहूर कोरियोग्राफर सरोज खान (Saroj Khan) आब अपन सब कें बीच नै रहलि. देर राइत हुनकर मुंबई मे निधन भ’ गेल. सरोज कें निधन केर कारण कार्डियक अरेस्ट बताओल जा रहल अछि. कही दी जे, सांस लेबय मे तकलीफ केर शिकायत कें बाद सरोज खान क’ 20 जून क’ बांद्रा स्थित गुरु नानक अस्पताल मे भर्ती कराओल गेल छल. ओतय, अस्पताल मे भर्ती होबाक बाद सरोज खान केर अनिवार्य कोविड-19 जांच सेहो कयल गेल छल, जाहिमे संक्रमण केर पुष्टि नै भेल छल.

सरोज खान कें जन्म 22 नवंबर 1948 क’ मुंबई मे भेल छल. ओ 72 साल कें छलनि. हुनकर असल नाम निर्मला नागपाल छलनि. ओ 200 सं अधिक फिल्म कें लेल कोरियोग्राफी केने छलि. सरोज पहिने असिस्टेंट कोरियोग्राफर छलि, परन्तु 1974 मे आयल फिल्म ‘गीता मेरा नाम’ सं ओ कोरियोग्राफर बैन गेलि।

कही दी जे, सरोज खान 1986 सं ल’ 2019 तक हजारक संख्या मे बॉलीवुड फिल्म मे गाना क’ कोरियोग्राफ केने छलि, जाहिमे ‘निंबुड़ा-निंबुड़ा’, ‘एक दो तीन’, ‘डोला रे डोला’, ‘काटे नहीं कटते’, ‘हवा-हवाई’, ‘ना जाने कहां से आई है’, ‘दिल धक-धक करने लगा’, ‘हमको आजकल है इंतजार’, ‘चोली के पीछे’ जेहन बहुतरास सुपरहिट आ आइकोनिक गाना शामिल अछि.