मुंबई. बॉलीवुड अभिनेता इरफान खानक(Irrfan Khan) निधन बुधदिन भ’ गेलनि।  अभिनेता इरफान खानके मंगलदिन पेटक संक्रमणके बाद शहरक एकटा अस्पतालक आईसीयूमे (ICU) भर्ती करायल गेल छलाह। हुनकर प्रवक्ता मंगलदिन इ जानकारी दैत बतेने छलाह जे की 53 वर्षीय अभिनेताके कोकिलाबेन धीरूभाई अंबानी अस्पतालमे (kokilaben dhirubhai ambani hospital) भर्ती करायल गेल छल। खानके 2018 मे कैंसरके बीमारीक इलाज भेल छल।

खानके 95 वर्षीय माय सईदा बेगमके चारि दिन पहिले जयपुरमे मृत्यु भ’ गेल छलनि, अभिनेता कोरोना वायरसके कारण लॉकडाउनमे अपन मायके अंतिम संस्कारमे शामिल नहि भ’ सकल छलाह। कैंसरके बीमारी सँ निजात भेटलाक बाद 2019 मे आपसी करैत अभिनेता ‘‘अंग्रेजी मीडियम’’ फिल्मक शूटिंग केने छलाह।