पूरा देश मे आइ यानि 8 जून सं Unlock.1.0 केर पहिल चरण पूर्ण रूप सं लागू भ’ गेल अछि। गृह मंत्रालय द्वारा जारी गाइडलाइंस कें तहत बिहार मे सेहो धार्मिक प्रतिष्ठान, होटल-रेस्टोरेंट्स, शॉपिंग मॉल्स खोलबाक अनुमति द’ देल गेल अछि। बिहार सरकार सेहो केन्द्र सरकार द्वारा जारी दिशा-निर्देशों क’ राज्य मे लागू करबाक आदेश जारी केलनि अछि।

गृह मंत्रालय द्वारा जारी अनलॉक 1.0 कें निर्देशक बाद बिहार सरकार सेहो 8 जून यानि सोमदिन सं धार्मिक स्थल, शॉपिंग मॉल, होटल आ रेस्तरां क’ खोलबाक अनुमति देने अछि जाकर बाद आइ सभ’ मंदिर मे सुबह सं पूजा-्अर्चना शुरू भ’ गेल अछि। जखन एकरा लेल किछू शर्त सेहो तय कयल गेल अछि, जाकर बारे मे अहाँ कें जनबाक जरूरी अछि।

जानू बिहार मे अखन धरि की खुजल आ की बंद रहत…

-बिहार मे नव नियम कें संग राज्य कें अंदर बस समेत सभ’ सार्वजनिक परिवहन कें परिचालन केर अनुमति देल गेल अछि।

-कंटेनमेंट जोन केर छोइर सभ’ जिलाक सभ’ दुकान समेत सरकारी आ निजी कार्यालय सेहो खोइल देल गेल अछि ।

-ढाई महीने सं अधिक लंबा अंतरालक बाद छोटका -बड़का सभ’ होटल सोमदिन सं पूर्ण रूपे खुइल जायत। परन्तु अतय सोशल डिस्टेंसिंग कें पूरा ख्याल रखल जायत। संगे ही साफ-सफाई कें तय मानक केर अनुपालन अनिवार्य होयत जाहि मे एक संग समूह मे बैसबाक आजादी नै अछि।

-Unlock-0.1 मे सेहो राइत कें नौ बजे सं सुबह कें पांच बजे तक कर्फ्यू लागू रहत।

-नाइट कर्फ्यू मे जता खालि मेडिकल सामग्री केर दुकान, दवा दुकान आ मेडिकल क्लिनिक खुइल सकत, ओतय ट्रेन, बस सं यात्रा कें लेल आबय -जाय वला लोक कें यात्रा टिकट सेहो देखबै परत।

-प्रदेश सरकार 8 जून सं धार्मिक स्थल- मंदिर, मस्जिद, गुरुद्वारा, चर्च समेत अन्य धार्मिक स्थल शामिल होयत। परन्तु ओतय सामूहिक पूजा केर मनाही होयत।

–Unlock-0.1 मे शॉपिंग मॉल्स कें खोलबाक सेहो आजादी मिलल अछि जाहि सं बड़का समूह आ व्यवसायि लोक सब कें राहत केर सांस लेने अछि।

-सोमदिन सं बिहार कें सभ’ छोटका -बड़का रेस्तरां सेहो अनलॉक भ रहल अछि ,परन्तु एकरा लेल किछू शर्त सेहो तय कयल गेल अछि . रेस्तरा में संक्रण नै होय ई ध्यान रखबाक अछि।

-Unlock-0.1 मे मेंस/लेडीज पार्लर समेत सैलून आ मिठाई-नाश्ता केर दुकान क’ सेहो खोलबाक आजादी मिलत, परन्तु ओतय सेहो सोशल डिस्टेंसिंग आ सेनेटाइजेशन केर ख्याल रखय परत।

– Unlock-0.1 मे मंदिर-मस्जिद समेत धार्मिक स्थल कें ल’ विशेष दिशा निर्देश जारी कयल गेल अछि, जाहिमे ध्वनि यंत्र उपयोग पर मनाही समेत सामूहिक पूजा, नमाज पर सेहो रोक अछि।