बिहार कें 10 जिलाक करीब 6.36 लाख आबादी बाढ़ि सं प्रभावित अछि आ 18,612 लोक क’ सुरक्षित ठिकाना पर पहुंचा देल गेल अछि। आपदा प्रबंधन विभाग सं प्राप्त जानकारी कें अनुसार प्रदेश कें 10 जिला सीतामढ़ी, शिवहर, सुपौल, किशनगंज, दरभंगा, मुजफ्फरपुर, गोपालगंज, पूर्वी चम्पारण, पश्चिम चंपारण एवं खगड़िया जिला कें 55 प्रखंड कें 282 पंचायत केर करीब 6.36 लाख आबादी बाढ़ि सं प्रभावित अछि। ओतय सं सुरक्षित निकालल गेल 18,612 लोक दस राहत शिविर मे शरण लेने छथि।
जल संसाधन विभाग सं प्राप्त जानकारी कें अनुसार बागमती नदी सीतामढी, मुजफ्फरपुर एवं दरभंगा, बूढी गंडक मुजफ्फरपुर एवं समस्तीपुर, कमला बलान मधुबनी, लालबकिया पूर्वी चंपारण, अधवारा सीतामढी, खिरोई दरभंगा आ महानंदा किशनगंज एवं पूर्णिया जिला मे खतराक निशान सं ऊपर बहि रहल अछि। जल संसाधन मंत्री संजय झा कहलनि जे जुलाई महीना मे भारी बारिश कें बावजूद सभ’ तटबंध सुरक्षित अछि तथा तकनीक कें उपयोग आ विभागक अतिरिक्त सतर्कताक कारण तटबंध पर उत्पन्न खतराक समय रहैत टालल जा सकल।
बिहार मे बाढ़िक खतराक मद्देनजर राष्ट्रीय आपदा मोचन बल (एनडीआरएफ) केर 21 टीम राज्यक विभिन्न संवेदनशील जिला मे तैनात कयल गेल अछि। एनडीआरएफ केर 9वीं बटालियन कें कमान्डेंट विजय सिन्हा बतओलनि जे बिहार राज्य आपदा प्रबंधन विभागक मांग पर एनडीआरएफ केर 21 टीमक प्रदेशक 12 जिला मे तैनात कयल गेल अछि।
अहि बीच बिहार विधानसभा मे प्रतिपक्ष कें नेता तेजस्वी प्रसाद यादव दरभंगा आ मधुबनी जिलाक बाढ़ि प्रभावित इलाका कें बुधदिन दौरा केलनि। तेजस्वी संवाददाता सं कहलनि जे ई सरकारक जिम्मेदारी अछि जे बाढ़ि पीडितक आवास एवं भोजन केर व्यवस्था करि तथा बाढ़िक कारण भेल हुनक नुकसान क’ देखैत हुनकर आर्थिक मदद करबाक चाहि ।
