बिहारक अररिया मंडल जेल मे बंद 706 मे सं 224 कैदी भेटल कोरोना पॉजिटिव

बिहारक सीमांचलक अररिया जिला मे स्थित मंडल कारा मे 224 कोरोना संक्रमित भेटल अछि। जेल मे 706 मे सं 600 बंदि केर जांच मे ई मामला सामने आयल अछि।

0
338

बिहारक सीमांचलक अररिया जिला मे स्थित मंडल कारा मे 224 कोरोना संक्रमित भेटल अछि। जेल मे 706 मे सं 600 बंदि केर जांच मे ई मामला सामने आयल अछि।

जांच मे मंगलदिन 42 आ बुधदिन 182 संक्रमित पाओल गेल। जेलर प्रमोद दास बतओलनि जे अररिया मंडल कारा मे 706 बंदी रहि रहल छलाह। कोरोना संक्रमण कें देखैत नबका पुरुष बंदि कें पूर्णिया आ महिला बंदि कें दलसिंहसराय जेल भेज देल जायत अछि।

ओतय जेल मे संक्रमित पाओल गेल बंदि कें संख्याक बाबत सिविल सर्जन डा एमएमपी सिंह बतओलनि जे बुधदिनक जांच मे 182 बंदी कोरोना संक्रमित भेटल। जखन एक दिन पहिने भेल जांच मे 42 संक्रमितक पुष्टि भेल छल ।ओतय दूसर तरफ जिला स्वास्थ्य समिति द्वारा बुधदिन कें तैयार रिपोर्ट सं सेहो पता चलैत अछि जे बड़का संख्या मे कोरोना मरीज भेटल अछि।

रिपोर्ट कहैत अछि जे बुधदिन जिला मे कुल 268 मरीज भेटल। अररिया प्रखंड मे 182 नबका संक्रमितक पुष्टि अहि रिपोर्ट सं सेहो होयत अछि। रिपोर्टक अनुसार बुधदिन कें कुल पांच हजार 185 सैम्पलक जांच कयल गेल। ई सेहो अपना आप मे एकटा रिकॉर्ड अछि।

बिहार मे भेटल 3741 कोरोना संक्रमित
बिहार मे 3741 कोरोना संक्रमितक पहचान भेल अछि। एकरा अलावा 9 संक्रमितक इलाज कें दौरान मृत्यु भ’ गेल। एकर संगहि राज्य मे कोरोना संक्रमितक संख्या 90,553 आ मृतक संख्या 474 भ’ गेल अछि। ओतय, राज्य मे अखन 60,068 कोरोना संक्रमित इलाजक बाद स्वस्थ भी भेल। कोरोना संक्रमितक स्वस्थ होबाक दर मे दूसर दिन सेहो एक फीसदी केर वृद्धि भेल आ ई आब 66.33 फीसदी भ’ गेल। राज्य मे अखन कोरोनाक सक्रिय मरीजक संख्या 30,010 अछि।

अहाँ अपन विचार लिखु

एतय अहाँ अपन विचार दियौ!
दया कय एतय अहाँ अपन नाम लिखू