बिहार विधानसभा चुनाव: पहिल चरणक 71 सीट पर नामांकन,अखन धरी नहि तय भेल उम्मीदवार

बिहार विधानसभा चुनावक पहिल चरण केर 71 सीट कें लेल आइ सं नामांकन शुरू होयत। राज्यक दूटा बड़का गठबंधन मे सीट बंटवारा कें गुत्थी बुधदिन देर साँझ धरी नहि सुलझल।

0
304

बिहार विधानसभा चुनावक पहिल चरण केर 71 सीट कें लेल आइ सं नामांकन शुरू होयत। राज्यक दूटा बड़का गठबंधन मे सीट बंटवारा कें गुत्थी बुधदिन देर साँझ धरी नहि सुलझल। राइत धरी सीट बंटवारा पर बैठक कें दौर जारी रहल। अहि बीच महागठबंधन कें माले झटका देलक आ 30 उम्मीदवारक सूची जारी क’ देलक। संगहि ई सेहो चेतावनी देने अछि जे अगर गठबंधन नहि भेल त’ ओ जल्द दोसर सूची जारी क’ देत। एनडीए मे जतय लोजपा कें ल’ पेच फंसल अछि, ओतय, महागठबंधन मे कांग्रेस वा राजद कें बीच सीट बंटवाराक फॉर्मूला सेहो तय नहि भ’ सकल।

पहिल चरण कें लेल आइ सं जारी होयत अधिसूचना

बिहार विधानसभा चुनाव 2020 कें प्रथम चरणक चुनाव कें अधिसूचना जारी होयत। संगहि नामांकन पत्र दाखिल करबाक प्रक्रिया शुरू होयत। उम्मीदवारक ऑनलाइन नामांकन पत्र दाखिल करबाक सेहो विकल्प अछि। संगहि पुरान तरीका सं निर्वाची पदाधिकारीक समक्ष सेहो नामांकन क’ सकता। एकरा लेल जमानत कें राशि सेहो ऑनलाइन दाखिल कयल जा सकैत अछि । नामांकन पत्र दाखिल करैत समय खालि दू व्यक्ति उपस्थिति रहत।

71 सीटक आइ अधिसूचना:
08 अक्टूबर नामांकनक अंतिम तिथि
09 अक्टूबर कें नामांकन पत्रक जांच
12 अक्टूबर तक नाम वापस ल’ सकता
28 अक्टूबर कें प्रथम चरणक होयत मतदान
16 जिलाक 71 सीटों पर वोट
भागलपुर, बांका, मुंगेर, लखीसराय, शेखपुरा, पटना, भोजपुर, बक्सर, कैमूर, रोहतास, अरवल, औरंगाबाद, गया, नवादा, जमुई, जहानाबाद

अहाँ अपन विचार लिखु

एतय अहाँ अपन विचार दियौ!
दया कय एतय अहाँ अपन नाम लिखू